Мекларен се радува на нова пол-позиција оваа сезона. На Големата награда на Имола, Оскар Пјастри беше најбрз во квалификациите.
Возачот од Австралија го обезбеди првото место пред Макс Ферстапен, разликата помеѓу двајцата беше само 0.034 секунди.
Џорџ Расел го имаше третото најдобро време, додека пак Ландо Норис повторно попушти под притисок и финишираше како четврти.
Зад нив се пласираа Алонсо, Саинц, Албон, Строл, Хаџар и Гасли. Ферари, пак, доживеа вистинска катастрофа пред домашната публика.
Двајцата возачи на тимот од Маранело испаднаа во втората сесија, Шарл Леклер ќе тргне како 11-ти, а Луис Хамилтон ќе стартува како 12-ти.
Квалификациите во Имола беа одбележани и од два големи инциденти, во првиот Јуки Цунода го искрши својот болид откако силно удри во заштитната бариера и се преврте, а во вториот Франко Колапинто два пати се изврте на патеката и се заби во оградата.
Grateful to see Yuki Tsunoda walk away from this enormous shunt in Q1#F1 #ImolaGP pic.twitter.com/hsviPlI66P
— Formula 1 (@F1) May 17, 2025
Franco Colapinto suffers a big off as he makes his Formula 1 qualifying return 💔#F1 #ImolaGP pic.twitter.com/sAEc1kGrcj
— Formula 1 (@F1) May 17, 2025
