Тешкиот пораз од 3-0 на гостувањето кај Истра му пресуди на Фабио Канаваро, стратегот доби отказ од Динамо Загреб по само 100 дена.
„Фабио Канаваро повеќе не е тренер на првиот тим на Динамо. Тој беше на клупата на клубот од Максимир нешто повеќе од три месеци и ги предводеше „сините“ на 14 натпревари и три контролни меча. Му се заблагодаруваме на посветеноста и трудот кој го вложи, и му посакуваме многу среќа во следната етапа од кариерата“ – гласеше известувањето.
Легендарниот Италијанец седна на клупата на Динамо Загреб на крајот од минатата година, но не успеа да ги подобри резултатите, забележа скор од 7 победи, 5 порази и два нерешени резултати.
По ваквата одлука, нашите Стефан Ристовски и Аријан Адеми ќе добијат четврти тренер, откако сезоната ја започнаа со Сергеј Јакировиќ, потоа во септември дојде Ненад Бјелица, а во декември Фабио Канаваро.
Fabio Cannavaro od ove srijede više nije trener prve momčadi Dinama. Na klupi maksimirskog kluba boravio je nešto dulje od tri mjeseca i vodio plave u 14 natjecateljskih i tri pripremne utakmice.
Treneru Cannavaru od srca zahvaljujemo na silnom trudu, angažmanu i susretljivosti… pic.twitter.com/Pj3Kq1RtHa
— GNK Dinamo (@gnkdinamo) April 9, 2025
