Никола Јокиќ речиси испадна од конкуренција поради правилото кое бара најмалку 65 одиграни натпревари за да се конкурира за индивидуални признанија. Повредата на левото колено која ја заработи на 29 декември дополнително ја искомплицира неговата ситуација и практично го остави во трка само под речиси невозможни услови.
До повредата српскиот центар на Денвер беше меѓу главните фаворити, но сега Шеј Гилџус-Александер се издвои како единствен реален кандидат за одбрана на МВП титулата.
Што се однесува до европските ѕвезди, во слична позиција се најде и Виктор Вембањама, кој поради пропуштените натпревари исто така заостанува во трката. Во ваков расплет, Лука Дончиќ се наметна како главен ривал на Канаѓанецот, со индивидуални партии на МВП ниво, иако неговите шанси ќе зависат и од тоа дали неговиот тим ќе успее да остане меѓу шест најдобри на Западот.
