Атланта имаше фуриозен старт на мечот, првата четвртина ја доби со 41-23, на полувремето имаа водство од 73-54, но работите се променија во вториот дел. Денвер ги доби последните две четвртини со идентични 40-30 и дојде до победа од 134-133.
Никола Јокиќ постигна 40 поени, имаше девет скокови и осум асистенции, Мареј беше одличен со 23 поени и 12 асистенции. Најефикасен кај Атланта беше Александер-Вокер со 30 поени, трипл-дабл постигна Џонсон со 21 поен, 18 скокови и 16 асистенции.
Бостон со убедливи 126-105 го совлада Лос Анџелес Лејкерс. Браун со 30 поени, осум асистенции и осум скокови беше најдобар кај домаќините, за Лејкерс број еден беше Ривс со 36 поени. Поради повреда овој меч го пропуштија Лука Дончиќ и Леброн Џејмс.
Резултати:
Бостон – ЛА Лејкерс 126-105
Орландо – Мајами 106-105
Атланта – Денвер 133-134
Кливленд – Сан Антонио 130-117
Детроит – Портланд 122-116
Њујорк – Јута 146-112
Торонто – Шарлот 86-111
Чикаго – Индијана 105-120
Хјустон – Феникс 117-98
Милвоки – Филаделфија 101-116
Мемфис – ЛА Клиперс 101-116
Оклахома – Далас 132-111
