Репрезентативниот камп веќе е сместен во Баку и кошаркарите се подготвуваат за предизвикот. Пред мечот своите очекувања ги сподели Андреј Јакимовски.
„Игравме со нив дома, знаеме какви играчи има, каква репрезентација е. Се надевам дека ќе одиграме добар натпревар. Јасно ни е на сите дека имавме краток временски период за подготовка, но сепак мислам дека можеме да одиграме добро и да се вратиме со победа. Против Луксембург во нападот имавме одредени проблеми, но мислам дека тоа е нормално, бидејќи имавме само неколку тренинзи со новиот селектор. Тој си има свој систем и начин на работа, но невозможно е за само четири дена сето тоа да профункционира“, изјави Јакимовски.
Натпреварот меѓу Азербејџан и Македонија се игра в понеделник во терминот од 17:00 часот.
