Ја спречивме Ирска да оди на Светското првенство 1998 година и Европското во 2000 година.
На 2 април 1997 година Македонија ја победи Ирска во Скопје со 3-2, тоа е нашиот единствен триумф над Ирците. Двапати погоди Митко Стојковски од пенал, а еднаш стрелаше Ѓорги Христов, тоа беше прекрасен гол.
Овој пораз на Ирците директно не беше клучен за нивен пласман на Светско, но ги извади од колосек и допринесе за лоши квалификации кои ги завршија во баражот. Тогаш носеа портокалови дресови, кои по поразот ги пензионираа, решија веќе никогаш да не играат во таква боја. И ден денеска пишуваат за тој загубен меч.
Две години подоцна, на 9 октомври 1999 година, одигравме 1-1 во Скопје со Ирска. Тогаш директно ги оштетивме. Тие со победа ќе се пласираа на Европско првенство како првопласирана селекција во групата. Водеа со 1-0, но Горан Ставревски постигна гол со глава во судиското продолжение за 1-1 и ја расплака Ирска. Тие мораа својата среќа подоцна да ја бараат преку бараж, но во него загубија од Турција.
Останатите меѓусебни дуели со Ирците ги загубивме.
Меѓусебни дуели:
09.10.1996 Ирска – Македонија 3-0
02.04.1997 Македонија – Ирска 3-2
09.06.1999 Ирска – Македонија 1-0
09.10.1999 Македонија – Ирска 1-1
26.03.2011 Ирска – Македонија 2-1
04.06.2011 Македонија – Ирска 0-2
Мечевите кои ги загубивме:
