ГН на Јапонија за жал не донесе возбуда за љубителите на мотоспортот, на патеката имаше малку акција, барем кај оние водечките болиди.
Најинтересен момент беше инцидентот во боксот помеѓу водечките Макс Ферстапен и Ландо Носи, кога на излегување, се најдоа еден до друг а возачот на Мекларен заврши во тревата.
😱
Drama in the pit lane as Verstappen and Norris exit side by side jostling for the race lead!#F1 #JapaneseGP pic.twitter.com/TmdkvM1tuW
— Formula 1 (@F1) April 6, 2025
Двајцата меѓусебно се обвинуваа, Ландо Норис се жалеше дека бил истуркан, додека пак Макс Ферстапен велеше дека ривалот сам излетал. Практично на сите им беше јасно дека Холанѓанецот нема да дозволи да биде претекнат на ваков начин и ќе ја брани позицијата, па и стјуардите веднаш пресекоа дека нема потреба за казни.
All the drama! ⚔️
There is a difference of opinions on the earlier pit exit moment between Verstappen and Norris over the radio👇#F1 #JapaneseGP pic.twitter.com/jnu3zteyJK
— Formula 1 (@F1) April 6, 2025
По ова возбудување, не се случуваше ништо на патеката, Макс Ферстапен одлично ги менаџираше гумите и ги држеше противниците на безбедна дистанца од нешто над 1 секунда.
Никој не направи грешка, па Холанѓанецот прв ја мина целта за прва победа оваа сезона, додека Ландо Норис и Оскар Пјастри мораа да се задоволат само со второто и третото место на пиедесталот, во викенд кога се чини дека беа подобри од конкурентите.
Во бодови денес уште завршија и Шарл Леклер, Џорџ Расел, Кими Антонели, Луис Хамилтон, Исак Хаџар, Алекс Албон и Оливер Берман.
