„Каубоите“ одиграа многу добар натпревар, бидејќи од стартот се наметнаа и изградија позитива. Во првиот дел избраниците на Дагур Сигурдсон водеа и со шест разлика (6-12), ама потоа се опуштија и ривалот се врати до 10-12. До паузата Хрватите се одржаа во позитива и на одмор се замина со 14-17.
И во вториот дел Хрватска успеа да изгради предност, а од моментот кога на семафорот стоеше 16-20 до 23-28 предноста варираше меѓу четири и пет гола. Тогаш одново „каубоите“ стигнаа на „плус шест“, но во финишот имаа пад.
Исланд со неколку мини-серии резултатски се врати во средбата, а на крајот мораше да се задоволи со минимален пораз.
Тин Лучин со девет реализации беше најдобар во победничкиот табор, а му помогнаа Начиновиќ со шест и Мартиновиќ со пет. Убедливо најдобар стрелец на мечот беше Омар Инги Магнусон кој даде 12 гола.
