Бидејќи се работи за грчки тим, раководството на Охрид е свесно дека може да се случат политички провокации, па апелира за фер и коректно навивање со цел да не се добијат некои казни во финишот од европската сезона.
„Почитувани охриѓани, симпатизери, навивачи и љубители на ракометот!
ГРК Охрид за градот од коло во коло на Европската сцена пишува историја! Одигравме одличен натпревар во Атина и се вративме како победници. Но, имаме уште 60 минути на домашен терен.
Бевме одлично примени од екипата на Олимпијакос и натпреварот помина во одлична ракометна атмосфера. Ја повикувам публиката, симпатизерите и навивачите во сабота да бидат 8-от играч на ГРК Охрид и ветер во грб на нашите гладијатори. Ве молам со фер и најкоректно навивање и поддршка за нашите момци да му помогнете на клубот. Транспарентите во преполната сала Билјанини Извори да бидат исклучиво за поддршка на нашиот клуб и Македонија, да ја оставиме политиката настрана и да му помогнеме на нашиот град да испишува историја!
Со почит,
Спортски директор
Славчо Ристески“, стои во соопштението.
Мечот се игра во сабота на 4. април, забранет е влез за гостински навивачи по договор меѓу двата клуба.
