Алехандро Гарначо крена голема прашина по финалето во Лига Европа откако го крена гласот против тренерот Рубен Аморим, па почнаа да кружат гласини дека напаѓачот нема иднина на Олд Трафорд и ќе треба да си бара нов клуб.
Аргентинецот сега креираше нова бура откако на социјалните мрежи објави слика на која носи дрес од Маркус Рашфорд и тоа од Астон Вила.
Man United’s Alejandro Garnacho posted a photo of himself wearing an Aston Villa shirt with Marcus Rashford’s name on the back 👀 pic.twitter.com/BZKpBnsLjx
— Sky Sports Premier League (@SkySportsPL) June 23, 2025
Сите ова го протолкуваа како провокација наменета за Рубен Аморим, а поранешниот фудбалер Трој Дини вели дека Алехандро Гарначо треба да добие една воспитна од капитенот Бруно Фернандеш.
„Доколку јас бев на местото на Бруно Фернандеш, кога тој ќе се вратеше првиот ден на подготовките за новата сезона, ќе му залепев една. Немаше да кревам многу галама, само ќе му залепев една воспитна – ова е Манчестер јунајтед, што се замислуваш ти?“ – вели Дини.
„Очигледно не сака да се врати во тимот, можно е и веќе да си нашол нов клуб па сега си поигрува на ваков начин. Се работи за нова генерација, па не сакам да звучам како стар намќор, но некој навистина треба да го истегне за уши. Досадно им е, и немаат почит кон ништо. За нив почитта се зборува, а не се заслужува“.
ФОТО: X/Manchester United
