Интер Мајами направи значаен чекор кон осминафинале на Светското клупско првенство откако вечерва со пресврт во второто полувреме славеше во пресметката против Порто.
Популарните „Змејови“ поведоа рано, веќе во 8. минута беше 0-1 со голот на Саму од пенал.
Порто лесно можеше на пауза да замине и со поголема предност, но ударот на Мора беше блокиран на гол линијата, а бомбата на Варела од далечина само ја стресе стативата.
Казната за промашувањата стигна на стартот од вториот дел, Сеговија изедначи на 1-1 во 47. минута, а потоа на сцена стапи Лео Меси.
Интер Мајами доби слободен удар на дваесетина метри по средината, а Аргентинецот мајсторски погоди. Порто постави играч да лежи под живиот ѕид, еден се обиде да се врати на гол линија и да покрие дел од голот, но напаѓачот прецизно погоди во голманскиот агол за 2-1.
53′ ARE YOU NOT ENTERTAINED? 🐐
Messi scores a GORGEOUS free kick goal and @InterMiami are now leading 2-1 versus @FCPorto!
Watch the @FIFACWC | June 14 – July 13 | Every Game | Free | https://t.co/i0K4eUtwwb | #FIFACWC #TakeItToTheWorld #MIAFCP pic.twitter.com/KvshKKFrrY
— DAZN Football (@DAZNFootball) June 19, 2025
ФОТО: X/Inter Miami CF
