Новак Ѓоковиќ игра во очајна форма во 2025 година, српскиот ас денеска загуби во пресметката против Матео Арналдо во второто коло на Мастерсот во Мадрид.
Тенисерот од Италија беше аутсајдер, но знаеше како да ги искористи грешките на својот ривал и на крајот по 101 минута славеше голема победа со 2-0 (6-3, 6-4) во сетови.
A day he’ll never forget 🙌@mattearnalds #MMOpen pic.twitter.com/e6G3ZcjWpZ
— Tennis TV (@TennisTV) April 26, 2025
„Новак Ѓоковиќ е мојот идол, отсекогаш ми бил идол. Бев пресреќен само што можев да излезам на мегдан со него. Никогаш не сум играл против него, еднаш имам само тренирано. Па да играм против него на ваков турнир и терен, веќе бев победник“ – вели 24 годишниот Матео Арналдо, кој во моментов е на 44. место на АТП листата и ова му беше само втора победа против тенисер од топ 5.
„Очигледно не е во најдобра форма, па јас само се обидов да излезам и да одиграм најдобро што умеам“.
„Искрено, не знам што да ви кажам“.
“He’s my idol. He always has been. I was just glad that I could play him” ❤️@mattearnalds #MMOpen pic.twitter.com/kipH8RR5EL
— Tennis TV (@TennisTV) April 26, 2025
