Лина Ѓорческа ќе игра уште едно финале, нејзино четврто во 2025 година.
На ИТФ турнирот во Слобозија, Романија, таа попладнево ја доби пресметката против домашната тенисерка Марија Попа со 2-0 во сетови.
Најдобрата македонска тенисерка беше фуриозна во првиот сет, кој го доби со 6-1 за половина час игра.
Вториот сет донесе поизедначена борба, по водството на Лина Ѓорческа од 4-2, Марија Попа се врати на 4-4, но нашата тенисерка го подигна нивото кога беше најпотребно, ги доби следните два гема за 6-4 и пласман во финалето.
Во дуелот за титула, Лина Ѓорческа ќе игра со уште романска тенисерка, Елена Бертеа.
