Иако за два месеца ќе наполни 39 години, српскиот ас долго го мачеше бранителот на трофејот и не се предаде дури и кога многумина мислеа дека е готов. Тоа особено се однесува за третиот сет во кој прв имаше брејк негатива за да се врати во игра во гемот на кој Дрејпер сервираше за победа, а потоа и во тајбрејкот кога британскиот тенисер водеше со 3-1.
За волја на вистината и Ѓоковиќ имаше шанса да дојде до победата, во тајбрејкот водеше со 4-3 и имаше два свои сервиса, но двата ги загуби и го врати во игра противникот. По два часа и 37 минути игра, Дрејпер сепак дојде до победата и против Медведев ја продолжува одбраната на трофејот.
Во текот на мечот имаше еден неверојатен поен кој му припадна на српскиот тенисер:
Novak Djokovic wins “the best point you will ever see” pic.twitter.com/qyT2Rlnmas
— asud (@asud683385) March 12, 2026
