Ретко кој веруваше дека Новак Ѓоковиќ на оваа возраст ќе победи некој од Јаник Синер и Карлос Алкараз, сметаа дека борбата за грен-слем титулите за него е завршена покрај овие двајца тенисери кои изгледаат перфектно, но Србинот покажа зошто е најдобар на сите времиња.
Првиот сет го доби Синер со 6-3 и се чинеше дека Италијанецот ќе добие уште една битка со Новак, бидејќи претходно го добиваше петпати по ред.
Но, Ѓоковиќ успеа да се крене и да го добие вториот сет со идентични 6-3 и да израмни на 1-1.
Синер го доби третиот сет со 6-4 и повторно дојде до предност, но Новак пак на идентичен начин го доби следниот сет и изедначи на 2-2, мечот отиде во петти решавачки сет.
Со еден брејк го доби и петтиот сет со 6-4 за голема, огромна победа и пласман во финалето.
Ѓоковиќ одигра перфектен меч, максимално фокусиран без пад и покрај тоа што траеше повеќе од четири часа.
Во финалето Ѓоковиќ ќе игра против Алкараз кој претходно во уште подолг меч го победи со 3-2 Зверев.
