27 дена по операцијата на коленото, Новак Ѓоковиќ се покажа во одлично издание против Вит Коприва во првото коло на Вимблдон.
Србинот со четири асови во низа го освои првиот гејм и најави дека противникот нема што да бара денеска.
Популарниот Ноле ја држеше играта под своја контрола и лесно освојуваше поени, па стигна до победа од 3-0 во сетови (6-1, 6-2 и 6-2)
Ѓоковиќ во следното коло ќе игра против победникот од мечот меѓу Џејкоб Фернли и Алехандро Моро Кањас.






