Пелистерци дадоа само 23 гола, па тренерот Рубен Гарабаја го истакна нападот како причина за поразот.
„Одигравме тежок натпревар. Добро влеговме во дуелот и можам да кажам дека во дефанзива изгледавме солидно. Но, за да победите во натпревар од Лигата на шампионите, мора да функционирате на двете страни од теренот. Против Загреб нашиот напад беше голем проблем. Тоа е сегмент на кој мора да работиме, да најдеме начини да бидеме поконцентрирани, потрпеливи и да го чуваме поседот“, истакна Гарабаја.
Пелистер моментално е седми на табелата со четири бода – два повеќе од последнопласираниот Загреб и два помалку од ГОГ, кој има натпревар помалку, како и од ПСЖ, кој вчера беше поразен од Барселона.
Следниот натпревар е во февруари против Висла Плоцк.
