Стадионот „Драгао“ беше изграден за Европското првенство во 2004 година. Прв меч за Португалија на тој стадион беше воведниот од шампионатот, против Грција кој Португалците го загубија со 2-1.
Тоа е единствениот пораз кој го имаат на овој стадион. Отогаш наваму одиграле уште 11 натпревари во кои имаат три нерешени средби и осум победи.
Португалија има одлична статистика на овој стадион, таа традиција е против нас, но да се потсетиме, и „Ренцо Барбера“ важеше за тешко освоива тврдина. Италија на тој стадион од 15 натпревари имаше само еден пораз, но ние им го нанесовме и вториот.
