Кога се чинеше дека ова ќе биде само еден обичен меч од Лигата на шампионите, почнаа да се случуваат неверојатни работи на Сантијаго Бернабеу, но да почнеме со ред.
И двете екипи имаа свои шанси, но мрежите мируваа се до 73. минута кога по една паметна асистенција на Бернардо Силва, Ријад Марез даде гол за водство на Манчестер Сити од 1-0.
Тој резултат беше активен до 90. минута кога по асистенција на Бензема, Родриго даде гол за израмнување на 1-1.
Веќе во наредната минута Родриго даде уште еден гол, овојпат со глава за комплетен пресврт и водство на Реал Мадрид од 2-1. Вкупниот резултат беше 5-5, па мечот отиде во продолженија.
А по само четири минути во продолженијата Реал Мадрид доби пенал откако беше фаулиран Бензема во шеснаесетникот на Сити. Самиот Бензема го изведен ударот од белата точка и погоди за 3-1 што беше и конечен резултат.
Реал Мадрид ќе игра во големото финале од Лигата на шампионите, а противник ќе му биде Ливерпул кој беше подобар од Виљареал во полуфиналето.
