49-годишниот Бруно Родригез остана без една нога. Тој кариерата ја заврши во 2005 година, а 17 години подоцна мораше да му ја ампутираат ногата поради повредите кои ги имал во текот на кариерата.
Со тек на време повредите од минатото почнале да му создаваат проблеми и во сегашноста, ситуацијата се влошила до степен да немало друго решение, туку само ампутација.
„Тој е еден од напаѓачите кои го одбележаа нашиот фудбал во 90. години и почетокот на 2000. Унијата испраќа поддршка до Бруно Родригез кому му беше ампутирана ногата како резултат на повредите кои ги имаше“, стои во соопштението од Унијата на фудбалери во Франција.
Покрај ПСЖ, Бруно Родригез во кариерата играше и за Монако, Бастија, Ленс, Стразбур, Мец, Бредфорд, Генгамп, Рајо Ваљекано, Ајачио и Клермон.
