Италија доби вистинска шлаканица од Македонија. Европскиот шампион загуби на свој терен од нашата репрезентација, тоа не можеа да го замислат ниту во најлошиот кошмар.
„Повеќе од разочаран сум. Немам што да кажам. Вечерва се случи нешто неверојатно. Заслужено станавме Европски шампиони, сега навистина немавме среќа… но тоа е тоа, тоа е реалноста, жал ми е за фудбалерите“, вели Манчини.
„Не знам дали ќе останам селектор. Ќе видиме. Сега се чувствувам премногу разочаран за да зборувам за мојата иднина. Ќе видиме“.
„Сигурен сум дека нашата репрезентација има одлична иднина. Ги поддржувам овие фудбалери повеќе од било кога“.
