На вчерашната прес-конференција, нашиот селектор Благоја Милевски рече дека ќе им каже на своите фудбалери да уживаат во натпреварот, а сега истото го вели и Манчини.
Италијанскиот селектор денеска за националната телевизија „РАИ“, рече: „Сакам да видам уживање од фудбалерите, добар фудбал и трпеливост. Најголема опасност ќе биде доколку мислиме дека ќе биде лесно“.
Тој поради повреда го изостави Бонучи од составот, но на клупата ќе биде Кјелини кој штотуку се врати од повреда. Ќе стартуваат Манчини и Бастони во дефанзивата.
„Во поглед на искуство и квалитет, важно е да имаме фудбалер каков што е Кјелини во составот“.
