ФИФА утрово ја објави новата ранг листа, прва во 2022 година. Новото рангирање не донесе никакви промени за македонската фудбалска репрезентација, „црвено-жолтите“ останаа на 67. место.
Поради малиот број натпревари, во топ 10 имаше само една промена, Аргентина изби на 4. место и ја симна Англија на позицијата број пет.
Најголем напредок забележа Гамбија, добриот настап на Африканскиот куп на нации им донесе скок од 25 места. Најмногу назадуваше Алжир, по разочарувањето на континенталниот собир, забележа минус од 14 места.
Лидер и понатаму е Белгија пред Бразил и Франција.
Фото: ФФМ
