Трката за титулата во Премиерлигата повторно е ширум отворена, Ливерпул го „потопи“ Лидс и дојде на три бода до Манчестер Сити.
Салах и Мане постигнаа по два гола, по еднаш во листата на стрелците се запишаа Матип и Ван Дајк за убедлив триумф од 6-0.
Ливерпул сега ги има тројцата најдобри стрелци во Премиерлигата, Мо Салах е на врвот со 19 погодоци, Мане има 12 погодоци а Жота има 11 погодоци.
Тотнем откако во минатото коло славеше на гостувањето кај Манчестер Сити, вечерва киксна против Барнли и загуби со 1-0. Бен Ми погоди во 71. минута за три важни бода во битката за опстанок.
На третиот натпревар вечерва во Премиерлигата, Кристал Палас со 1-4 славеше на гостувањето кај Вотфорд.
