Ериксен му се врати на фудбалот, потпиша за Брентфорд

Кристијан Ериксен реши да продолжи да игра фудбал и покрај немилиот настан кој му се случи за време на Европското првенство. Тој не можеше да ја продолжи кариерата во Серија А бидејќи таму не е дозволено да настапува со дефибрилатор, па се врати во Премиерлигата.

Ериксен потпиша со Брентфорд до крајот на сезоната со можност договорот да биде продолжен за уште една сезона.

 

„Среќен сум што потпишав за Брентфорд. Не можам да дочекам да почнам. Се надевам дека ќе ве видам многу наскоро“, гласеше пораката на Ериксен до фановите на неговиот нов тим.