„Сините“ беа прилично тивки изминатиов месец, но тоа било само стратегија и подготовка за летниот преоден рок.
Според пишувањата на Атлетик, Томас Тухел и раководството на Челси се договориле да не прават големи инвестиции во јануари, и сите средства да се насочат кон летниот преоден рок.
На радарот се три имиња, Жил Кунде од Севиља, Деклан Рајс од Вест Хем и Орелиан Чуамени од Монако. Се работи за тројца перспективни фудбалери кои чинат многу и клубот од Стемфорд Бриџ може да потроши преку 300 милиони евра за нивен ангажман.
Челси исто така е во контакт со Осман Дембеле и опипува терен за соработка, Французинот би пристигнал беспари со оглед на тоа дека му завршува договорот со Барселона.
