Првиот проект за Суперлига се сруши за 48 часа откако официјално беше објавен. Тогаш сите англиски клубови го напуштија проектот, а потоа излегоа и Интер, Милан и Атлетико Мадрид.
На хартија останаа Јувентус, Реал Мадрид и Барселона, но им треба поддршка од другите клубови, па во меѓувреме Флорентино Перез и Андреа Ањели кроеле нов план за Суперлига со поинаков изглед.
Според италијанскиот весник, таа би била поинаква од оригиналната замисла. Слична на Лигата на нации со промоции и испаѓања. Но деталите можеби ќе ги презентира Ањели денеска.
Сепак нејасно е како оваа лига ќе функционира заедно со домашните првенства. Веројатно клубовите кои ќе учествуваат во Суперлигата, треба да не учествуваат во натпреварувањата на УЕФА.
Тешка ќе биде мисијата на Ањели и Перез да убедат доволно клубови, особено англиските кои веќе рекоа дека никогаш повеќе не би се дрзнале да учествуваат во натпреварување без да ги прашаат фановите.
Не се прогнозира успех и на оваа идеја, но останува да видиме што ново смислиле борците за Суперлига.
Superlega, oggi a Londra Agnelli presenta il progetto riveduto e corretto https://t.co/q5zJ8rHNHV
— La Gazzetta dello Sport (@Gazzetta_it) March 3, 2022
