Првиот човек на Реал Мадрид, славниот Флорентино Перез, планира да замина во 2026, две години пред истекот на сегашниот мандат. Ова го објавува новинарот Пепе Алварез.
Според него, 78-годишниот Перез сака уреден трансфер на власта во клубот, без оглед на тоа дали членовите на клубот ќе ги поддржат неговите предлози на референдум или не.
Перез првпат стана претседател на Реал Мадрид во 2000 година, првата ера траеше до 2006 година, а втората, која започна во 2009 година, трае до ден-денес. За време на неговиот мандат, фудбалскиот клуб по седум пати беше шампион на Европа, на Шпанија и исто толку пати го освои европскиот Суперкуп.
Флорентино е синоним за модернизација на Реал Мадрид – не само на теренот, туку и преку проекти како што се реновираниот Сантијаго Бернабеу и глобалната експанзија на брендот. Многу веројатно, фактот што во март ќе наполни 79 години е една од најголемите причини за одлуката да си замине. Сè уште не е познато кој би можел да го наследи.
💣 FP tiene decidido dejar la presidencia del RM durante el próximo año aunque su mandato no termina hasta 2028. Le gustaría ver una sucesión ordenada independientemente de si los socios respaldan el referéndum o no.
— Pepe Álvarez (@pepealvarezzz) November 14, 2025
