Бразилското финале во елитното јужноамериканско натпреварување донесе тактичка и жестока битка меѓу двата тима и само еден гол.
Клучниот момент се случи на почетокот од второто полувреме кога по изведен корнер на Де Араскаета, Данило се крена највисоко и со прецизен удар со глава го совлада голманот на Палмеирас.
Триумфот значи четврта титула во Копа Либертадорес за Фламенго и историско израмнување меѓу бразилските и аргентинските клубови — и двете земји сега имаат по 25 континентални трофеи. Дополнително, Бразилците имаат повеќе пласмани во финалињата – вкупно 45 во однос на 38 на Аргентина.
Со оваа победа, Фламенго обезбеди настап на претстојниот Интерконтинентален куп, а клубот веќе има гарантирано место и на Светското клупско првенство во 2029 година.
