Во договорот на Мартинез со Барселона имаше специфична клаузула според која тој можеше да замине од клубот како слободен играч. Фудбалерот ја искористи таквата клаузула.
Мартинез беше еден од најстандардните во редовите на Барселона минатата сезона во која каталонскиот гигант освои три трофеи. Шпанскиот дефанзивец одлично се вклопи во тактиката на Ханс Флик, но сепак заминува.
Во текот на подготовките Кубарси, Араухо и Кристенсен беа пред Мартинез, па може тоа е причината што тој замина.
Барселона е сложна со ваквиот потег, тоа им одговара бидејќи ослободуваат простор за регистрација на нов фудбалер и ја елиминираат платата на Мартинез од ставката на трошоци.
Договорот кој го имаше Мартинез со Барселона беше со важност до 2026 година и опција за автоматско продолжување на уште една. Со неговото заминување во буџетот на Барселона ќе се ослободат 12 милиони евра.
