Нов член на тимот од Чергане е Хоган Укпа. 24-годишниот играч од средниот ред доаѓа во редовите на Арсими по една полусезона без клуб. Укпа замина од Струга чиј член беше од 2022 до 2025 година.
Со стружани нигерискиот играч за врска освои два трофеи во ПМФЛ, па се очекува да биде големо засилување за Арсими.
Во минатото Хоган Укпа настапуваше за Г12 од родната Нигерија, а од 2020 до 2022 беше дел од летонска Лиепаја. Тогаш Струга го доведе во своите редови, па во ПМФЛ собра 82 настапи на кои даде седум гола.
