Последната подготовка пред Европското првенство во Ајндховен (Холандија) за Македонија заврши со пораз на меѓународниот турнир „Ханта Михат“, што значеше и второ место на турнирот, откако избраниците на Игор Гончанин претходно ги победија Турција со 11-6 и Холандија со 11-10.
Македонија третпат во својата историја ќе игра на едно ЕП, откако во Малага во 2008 го освои седмото место, а се избламира со последната позиција две години подоцна на ЕП во Загреб во 2010 година. Македонската ватерполо-репрезентација има и учество на едно СП во Рим во 2009 година.
На ЕП во Холандија, кое почнува на 16-ти овој месец, Македонија е во група со Грција, Италија, Унгарија, Холандија и Турција. Втората група ја сочинуваат Србија, Германија, Хрватска, Романија, Црна Гора и Шпанија.
