Тоа беше меч со пресврти во кој на крајот се радуваше Лос Анџелес Ремс кој беше и фаворит на овој дуел.
Натпреварот започна со тачдаун на Ремс кој поведоа со 7-0, пред крајот на првата четвртина Мекферсон со филдгол успеа да намали на 7-3.
На самиот почеток од втората четвртина Ремс го зголемија водството откако Куп направи тачдаун, но не го реализираа дополнителниот поен, беше 13-3.
Потоа следуваше серија на Синсинати, Хигинс направи тачдаун, на одморот се замина со 13-10 за Ремс.
На полувремето имаше моќно, спектакуларно хип-хоп шоу на кое настапија ѕвезди како Снуп Дог, Еминем, Др. Дре, Мери Џ, Блиџ и Кендрик Ламар.
[video:https://www.youtube.com/watch?v=gdsUKphmB3Y autoplay:0]
Во третата четвртина веднаш се случи тачдаун за Синсинати со кои го свртеа реазултатот, поведоа со 17-13, а брзо потоа реализираа и филдгол за 20-13.
Ремс пред крајот на третиот период погодија филдгол и во последниот период се влезе со водство на Синсинати од 20-16.
На помалку од минута и пол до крајот на мечот, Куп реализираше тачдаун по едно одлично додавање од квотербекот Стафорд кој имаше одличен меч. Ремс поведе со 23-20 и тоа беше конечниот резултат на мечот.
За МВП на Супербоулот беше прогласен фаќачот Купер Куп кој претрча 92 јарди и направи два тачдауни.
[video:https://www.youtube.com/watch?v=4x4MND-Rhrc autoplay:0]
