Денеска беше објавен позитивниот тест на коронавирус врз основа на кој Новак Ѓоковиќ тврди дека и покрај тоа што не е вакциниран има право да влезе во Австралија, бидејќи прележал ковид-19.
Долго време се шпекулираше дали воопшто постои споменатиот тест, дали е издаден точно на 16 декември или некој друг ден, но денеска се отстранети сите сомнежи што постоеја.
Резултатот од тестот Ѓоковиќ го добил на 16 декември во 20 часот и 19 минути, според наодот. Сега нема дилема ниту за претходните шпекулации за движењето на Ѓоковиќ – најдобриот тенисер на светот со денови заразен шетал меѓу луѓе.
NEW:
Novak Djokovic’s positive PCR test which he submitted to Melbourne court states that sample was taken and positive result returned on December 16, 7 hours apart.
This means all those pictures of Djokovic maskless with kids on the 17th came AFTER his positive Covid result. pic.twitter.com/FXLYnM0J4t
— Ben Rothenberg (@BenRothenberg) January 10, 2022
Ѓоковиќ на 17 декември е снимен во друштво на деца на кои им делел пехари, а од фотографиите се гледа дека не држи дистанца и не носи маска, а ден претходно дознал дека е заразен.
По објавувањето на оваа вест реагираше и Л’Екип, кој објави фотографија од Ѓоковиќ во својата редакција, каде што Србинот на 18 декември бил на снимање на едиторијал и во таа прилика никому не кажал дека е позитивен.
Les avocats de Novak Djokovic ont fait parvenir un document de 35 pages au tribunal fédéral australien qui jugera son affaire lundi. Mais l’annonce du test positif au Covid-19 mi-décembre pourrait compliquer les affaires du Serbe au lieu de les arranger https://t.co/pGpe4mP2vl pic.twitter.com/3mO1tv8Qw7
— L’ÉQUIPE (@lequipe) January 8, 2022
„Адвокатите на Ѓоковиќ на 35 страници во австралискиот федерален суд се обидоа да ја оспорат одлуката на граничната полиција, но наводно позитивниот тест за ковид на Ѓоковиќ во средината на декември ги направи работите потешки, а не полесни“, објави Л’Екип со фотографија и линк до текстот.
Треба да се додаде и дека Ѓоковиќ на 22 декември направил нов тест, на кој бил негативен.
