Новак Ѓоковиќ од синоќа е без првото место на АТП листата, но и без еден од своите најголеми спонзори, „Пежо“.
„Точна е информацијата на светските медиуми, нема да ја продолжиме соработката со Ѓоковиќ“, рече генералниот директор на „Пежо“, Карлос Таверес.
Нема образложение зошто француската компанија ја прекинува соработката со Ѓоковиќ. Се пласираат две можни причини, првата е тоа што Србинот е невакциниран и не може да настапува на најважните тениски турнири, а втората е поради финансиската криза во автомобилската индустрија која се јави со пандемијата на ковид-19.
