Ѓоковиќ има тригодишна забрана за влез во Австралија

Австралија реши дека Новак Ѓоковиќ не е добредојден невакциниран во нивната земја и успеа да му ја укине визата и да го депортира.

 

Според законите на Австралија, тој со одлуката за депортација автоматски добива и тригодишна забрана за влез во земјата.

 

Тоа го потврди и министерката за внатрешни работи на Австралија, но рече и дека таа забрана би можела да се укине во зависност од околностите, и тој порано да влезе.

 

Секое барање за влез во државата се разгледува поединечно, па хипотетички доколку Новак Ѓоковиќ следната година поднесе барање за виза, случајот ќе се анализира и можно е да му биде даден позитивен одговор, со што ќе се укине забраната за влез. Но на хартија, според австралискиот закон, Новак Ѓоковиќ има тригодишна забрана за влез во Австралија.