Од претходно се знаеше дека доколку останат сегашните мерки, на Вимблдон и УС Опен ќе играат само вакцинирани тенисери, а на Ролан Гарос ќе можат да настапат и играчи со медицинско изземање.
Но од Франција утринава пристигнува информација дека и на Ролан Гарос тенисерите ќе мора да бидат вакцинирани.
Министерката за спорт на Франција, Роксана Марачинеану изјави дека за престојните спортски настани во нивната земја вклучувајќи го и Ролан Гарос од натпреварувачите ќе се бара сертификат за вакцинација.
Претходно претседателот на Француската тениска федерација, Жил Моретон рече дека имаат намера на Ролан Гарос да играат и невакцинирани тенисери, но француските власти мислат поинаку.
Ваквата одлука на министерството за спорт на Франција, значи дека Новак Ѓоковиќ ќе мора да се вакцинира ако сака да ги игра најголемите турнири оваа година, во спротивно ќе треба да одмори додека трае пандемијата.
French sports minister announced a certificate of vaccination will be required for visiting athletes at upcoming events — including Roland-Garros.
Earlier, the president of the FFT had spoken of his intention to admit some unvaccinated players to the tournament under exemptions. https://t.co/pGmNW46bfa
— Gaspar Ribeiro Lança (@gasparlanca) January 17, 2022
