Ламин Јамал треба да стави потпис на нов договор кога ќе наполни 18 години на 13. јули, па изминатиов период има многу гласини за неговата иднина.
Се шпекулираше дека младото момче побарало да биде најплатен во тимот, нешто што спортскиот директор Деко сега го негираше.
„Не побарал да биде најплатен во тимот. Тоа не е точно. Тој сака само да биде среќен, да биде вреднуван и нема подобар клуб од Барселона за него“ – порача Деко.
„Новиот договор е на прав пат“.
Запрашан за гласините дека Реал Мадрид сака да го ангажира Ламин Јамал, тој вели: „Оваа сезона немаме добиено ниту една понуда. Минатата сезона имаше, ПСЖ беше еден од клубовите кои се распрашуваше, Реал Мадрид никогаш не остварил контакт“.
