Добар настап на Дарио Ивановски на маратонот во Белгија и Европското првенство на трки на пат.
Македонскиот атлетичар делницата низ улиците на Брисел и Лувен ја истрча со време од 2 часа, 14 минути и 2 секунди.
Интересно е тоа што денешниот маратон за Дарио Ивановски беше неговиот 13-ти во кариерата и тој финишираше на 13. место.
Што се однесува до победникот, прв низ целта помина италијанскиот атлетичар Илијас Ауани од Италија со време од 2:09.05, а потоа следеа Гашуа Ајале и Мару Тефери од Израел.
