Челси ќе се обиде да стане првиот клуб кој триумфирал во Лигата на шампиони, Лига Европа и Конференциска лига.
Избраниците на Мареска вечерва рутински со 1-0 го добија реваншот против Ѓургарден и со вкупни 5-1 го чекираа билетот за Полска и финалето во Конференциска лига на 28. мај.
Противник на „сините“ ќе им биде Бетис, кој се избори за 2-2 на гостувањето во Фиренца, па со вкупни 4-3 се најде во финале.
За „зелено-белите“ ова е прво финале во клупската историја долга 117 години, па триумф во Вроцлав ќе значи и историски трофеј во Европа.
