Челси почна да го крои тимот за следната сезона, прво засилување ќе биде Лиам Делап од Ипсвич.
Манчестер јунајтед, Евертон, Њукасл и Нотингем Форест беа дел од клубовите кои сакаа да го ангажираат младиот напаѓач, но „сините“ ја добија трката за потписот на Англичанецот.
Можноста за соработка со Енцо Мареска како и настапот во Лигата на шампиони ја направиле разликата, па Лиам Делап решил да му даде приоритет на проектот на Челси и да се пресели на Стемфорд Бриџ.
Челси исто така го идентификувал Родриго како звучното засилување со кое ќе покажат дека се сериозни и имаат амбиција да се борат на сите фронтови следната сезона.
Бразилецот ги исполнува сите барања на Тод Боли и неговите соработници – млад фудбалер, кој има искуство на елитно ниво и поседува огромен простор за напредок.
Во моментов само се опипува терен и интересот не е конкретен, но се очекува Челси во скоро време да тргне во офанзива.
Се шпекулира дека ќе бидат потребни околу 100 милиони евра за Реал Мадрид да прифати продажба на Родриго.
