Челси закажа пресметка против Палмеирас и „својот“ Естевао, „сините“ на продолженија го добија натпреварот против Бенфика кој почна во саботата во 22 часот по македонско време, а заврши во 02:40 наутро во неделата.
Избраниците на Мареска беа подобар противник и на чекор до победа во регуларниот дел откако Рис Џејмс брилијантно погоди од слободен удар, забележа дека голманот Турбин е излезен и итро биеше на првата статива кога сите очекуваа нафрлување.
Но на четири минути до крајот, Винчиќ го прекина натпреварот поради грмотевици, паузата траеше два часа, а кога продолжи, Мало Густо направи глупост, играше со рака, па Бенфика од пенал изедначи на 1-1 во 95. минута и се спаси.
Но само што почнаа продолжението од 30 минути, младиот Престијани задоцни со еден старт, доби втор жолт картон и црвен, и Бенфика остана со играч помалку.
Челси го искористи ова и со головите на Нкунку, Нето и Друсбери Хол го реши натпреварот во своја корист.
ФОТО: X/Chelsea FC
