Квалификациите за Светското првенство во Јужна Америка завршија, па Бразил во следниот период ќе ја тестира формата.
Првата контролка беше денеска против Јужна Кореја, и „кариоките“ за прв пат под водство на Карло Анчелоти заиграа „жого бонито“ – стигнаа до убедлива победа од 0-5.
Естевао го отвори резултатот во 13. минута по одлично додавање од Бруно Гимараеш, а пред крајот на првото полувреме, по една убава акција, Родриго зголеми на 0-2.
Во второто полувреме истите играчи повторно стапија на сцена, Естевао зголеми на 0-3, а по една контра, Родриго реализираше за 0-4.
Точка на натпреварот стави Винисиус Жуниор, кој доби топка во фор, си поигра со дефанзивецот кој трчаше по него и реализираше за конечни 0-5.
ФОТО: cbf.com.br
