По најавите на медиумите дека Карло Анчелоти на 26. мај ќе го преземе кормилото на Бразил, веднаш пристигна потврда и од „кариоките“.
Фудбалската федерација на Бразил потврди дека искусниот стратег ќе биде именуван за нов селектор, а првиот човек испрати моќна порака.
„Тоа што го ангажиравме Карло Анчелоти за нов селектор не е обична стратегиска одлука, ова е порака до сите за нашата решност да го покориме светот и повторно да бидеме број 1 репрезентација. Тој е најголемиот тренер во историјата, а сега е селектор на најдобрата репрезентација на планетата. Заедно ќе испишеме нови славни страници во историјата на бразилскиот фудбал“ – порача претседателот на ФФБ, Едналдо Родригеш.
Се најавува дека Карло Анчелоти ќе потпише договор со Бразил до крајот на мундијалот во 2026, со опција соработката да биде продолжена до Светското првенство во 2030 година.
Своето деби на клупата на „кариоките“ ќе треба да го има против Еквадор и Парагвај во квалификациите за СП 2026.
A maior Seleção da história do futebol agora será liderada pelo técnico mais vitorioso do mundo. Carlo Ancelotti, sinônimo de conquistas históricas, foi anunciado nesta segunda-feira (12) pelo presidente da CBF, Ednaldo Rodrigues, como o novo técnico da Seleção Brasileira. Ele… pic.twitter.com/grw3Rb1BmL
— CBF Futebol (@CBF_Futebol) May 12, 2025
