Општината Кисела Вода им дава поддршка и ги мотивира младите кои се занимаваат со спорт и активно се вклучени во училишните лиги.
„И оваа година, продолжуваме со успешната пракса на наградување на младите спортски таленти со бесплатно летување како дел од стратегијата за поддршка на спортот и здравиот начин на живот. Победниците во Лигата на училишен спорт, која опфаќа натпревари во кошарка, фудбал, одбојка и ракомет во машка и женска конкуренција, ќе имаат можност да летуваат во Извидничкиот Центар во Охрид.
Се работи за прваците за учебна 2024/2025 во:
ракомет – жени ООУ ,,Кузман Шапкарев”; ракомет – мажи ООУ ,,Кирил Пејчиновиќ”; кошарка ООУ ,,Кузман Ј. Питу”; одбојка ООУ ,,Партенија Зографски”, фудбал ООУ ,,Кирил Пејчиновиќ”.
Спортот ги подобрува физичкото и менталното здравје на децата, но создава и другарства, дисциплина и тимски дух. Со обезбедување бесплатно летување не само што ги наградуваме нивниот труд и посветеност, туку и дополнително ја поттикнуваме спортската култура во училиштата. Ова е дел од нашата стратегија за поддршка на младите и како општина ќе продолжиме со мерки што ќе овозможат уште поголема афирмација на спортот и негов развој во нашите училишта“, рече градоначалникот Орце Ѓорѓиевски.
