По високата победа над Шкендија во претходното коло, фудбалерите на Арсими со голема самодоверба отпатуваа во Кратово и направија ново изненадување, овојпат го совладаа Силекс и покажаа дека се во одлична форма.
Мечот се играше по ужасни услови за игра, теренот беше поплавен, па фудбалерите мака мачеа да ја контролираат топката. И во едни такви услови, беа постигнати четири голови.
Резултатот го отвори Мирнел Хуриќ кој постигна гол пред самиот крај на првото полувреме за водство на Арсими од 1-0.
По 15 минути игра во вториот дел Арсими го зголеми водството со гол на нововлезениот Ајдини.
Силекс успеа да се врати во игра кога на 15 минути пред крајот Мирчевски погоди за 1-2. Но кратко траеше надежта на домаќините, во 81. минута Таипи ги постави конечните 1-3.
