Ангеловски преку социјалните мрежи ја потврди оставката, со него заминува и неговиот асистент.
„Денес остварив состанок на мое барање со претседателот на Етникос Ахна и ја поднесов мојата оставка на позиција главен тренер, а заедно со мене заминува и мојот асистент Милан Илиевски. Победите и поразите се составен дел од фудбалската игра но оставката е чин на морална одговорност. Му благодарам на претседателот за укажаната доверба, на сите вработени, навивачи и фудбалери за соработката. Им посакувам понатамошни успеси во иднина на личен и професионален план“, објави Ангеловски.
На клупата на овој клуб, Ангеловски пристигна во октомври и го водеше тимот на вкупно десет натпреври во кои имаше само три победи.
