среда, 21 мај 2025

Анчелоти ќе стане селектор на Бразил на 26. мај, Чаби Алонсо го презема Реал на 1. јуни и добива три засилувања

По поразот од Барселона и изгубената битка за титула во Ла Лига, Реал Мадрид почна да ги крои плановите за новата сезона, Карло Анчелоти ќе замине ден по последното коло, а Чаби Алонсо ќе го преземе кормилото на 1. јуни.

Објавено на

часот

Сподели

Вчерашниот пораз на „Ел Класико“ ќе ги забрза промените во Реал Мадрид, „кралевите“ практично и да немаат шанси за одбрана на титулата во Ла Лига, па можат да се насочат на новата сезона.

Новинарот Дејвид Орнштајн објави дека Карло Анчелоти ќе го презеде кормилото на Бразил и ова е завршена работа.

Популарниот Дон Карло својата нова авантура ќе ја почне на 26. мај, ден по последниот натпревар на Реал Мадрид во Ла Лига.

Чаби Алонсо ќе биде неговата замена, и се очекува тој веќе на 1. јуни да седне на жешкото столче на „Бернабеу“, и да ја започне авантурата на „Бернабеу“ со три засилувања.

Медиумите шпекулираат со ангажман на Трент Александер Арнолд, како и две имиња кои во моментов не се познати, односно нов лев бек и нов централен дефанзивец.

Низ медиумите кружат многу гласини, а последните велат дека Чаби Алонсо сака со себе во Мадрид да ги понесе Алехандро Грималдо и Џонатан Та.

ТОП ВЕСТИ

ПОСЛЕДНИ ВЕСТИ