Тој потврди дека кариерата ќе ја продолжи во Германија, а заминувањето е од семејни причини. Сепак Битола ќе му остане вечно во сеќавање.
„Постојат моменти во животот кои засекогаш остануваат во срцето… Денеска морам да соопштам дека прифаќам нов професионален предизвик и си заминувам од Пелистер. Оваа одлука беше тешка за мене, но на крајот е онаа што е вистинска за мене и е базирана на семејни причини“, напиша Алонсо.
Тој во Пелистер дојде минатата година во ноември, а она по кое ќе биде запаметен е шампионската титула освоена во последното коло со победа над Вардар среде Скопје.
„Тоа што го доживеавме заедно беше навистина посебно – шампионската титула, нашето патување во Лигата на шампионите, еуфоријата во салата, вашата поддршка, неверојатните натпревари и моменти! Ви благодарам за секој миг на поддршка. Вие сте неверојатни!“, дополни Алонсо.
View this post on Instagram
