Љубителите на тенисот вечерва требаше да уживаат во нова спектакуларна пресметка помеѓу Карлос Алкарас и Јаник Синер, но останаа разочарани откако Италијанецот го предаде мечот по само 20 минути.
При водство од 5-0 за Шпанецот во првиот сет, Јаник Синер не можеше да продолжи, а кога физиотерапевтот пријде да му укаже помош, доби само краток одговор: „Жал ми е, не можам. Многу ми е лошо, не можам да се движам“.
Во разговор со Карлос Алкарас, тој додаде: „Излегов на теренот само од почит кон публиката, но не можам да продолжам“.
ФОТО: X/Cincinnati Open
